معلش استحملوا

ازيكوا يا جماعة

معلش استحملونى شوية
انا عارفة انى رخمت كدة بس اعمل ايه بقى
غرقان واتعلق بقشة

كل سنة وانتوا طيبين
السنة خلاص خلصت والجداول نزلت وربنا يستر ويعديها على خير

فيه بقى مشكلة مش عارفة واجهتكوا ولا لا

دلوقتى فى اخر السنة الدنيا بتتكركب والمناهج بتخلص بسرعة البرق يعنى فى المحاضرة 50 صفحة
وبالاقى ان فيه branchesمش هتتذاكر كويس والمشكلة لو جت فى المتحانات
طيب اعمل ايه ؟
ياريت كل واحد يقول هو كان بيعمل ايه فى الوقت ده؟

ربنا معاكو
Dr.Marmora

انا كنت بحاول انقذ مايمكن انقاذه ..
اشوف الاهم فالاقل اهمية ..
بس احنا دلوقتى فى شهر 2 يعنى فى فرصة حلوة علشان تذاكرى الحاجات الجديدة وممكن برده تقرى فى الحاجات القديمة علشان ماتنسيش

انا الصراحة عايز اقول حاجة مهمة لكل الناس اللي اتأخروا في المذاكرة
اقروا الدروس بسرعة و عيدو بسرعة يعني ايه
مش تعودوا في كل صفحة نص ساعة لأ اقروها بسرعة في خمس دقايق
و بعدين عيدو عليها علي طول في وقتها ساعتها هتحس ان الكلام قريب منك مش غريب و ده اعملوه موضوع موضوع هتوفروا وقت جامد خصوصا انك لما تحس انك بتنجز روحك المعنوية ها ترتفع حتي لو مذكرتك نص نص اجسن من انك تضيع وقتك علشان تحفظ صفحة او اتنين بس
ببساطة كده 5 صفح مذاكرة نص نص احسن بكتير من صفحة واحدة مية مية

الحقيقة ان الوقت ده بيبقي حرج جدا لذلك يحتاج لنظام
ياريت تعملي جدول لنفسك تبقي مواضيعه مترتبة حسب الأهمية
مع تحديد الوقت بتاع الجدول مع مراعاة الواقعية و الالتزام
يعني ماتعمليش جدول فوق طاقتك
لأنك لو قدرتي عليه يومين مش هتقدري تكملي اسبوع مثلا
وبردة في نقطة مهمة وهي الراحة
ودي علميا مهمة جدا علشان الواحد يقدر يحافظ علي مستوي نشاطه الزهني لفترة كبيرة وده احنا محتاجينه
يعني الراحه دي مش دلع زي ما أهلينا كانوا بيقولولنا كده واحنا صغيرين
حاولي تحطي بعد كل ساعتين تركيز من20-30 دقيقة راحة تامة
ومع الوقت هتلاقي نفسك انجزتي حاجات كتيرة و كاها مهمة ونفسيتك هاتبقي أحسن
ربنا معاكي ويوفقك

شكراااااااااااااااااااااااااا
فعلا النصايح ديه جميلة جدا وانا حاحاول اهتم بيها واقولها لاصحابى
كلنا فى مركب واحدة
ويا ريت اللى عنده وجهة نظر تانية يكتبها

ربنا معاكو
Dr.Marmora

المراجعة
المراجعة
المراجعة
زى ما الجماعة قالوا ذاكرى بسرعة بسرعة علشان تلحقى تراجعى المراجعة أهم من المذاكرة
ثانيا عمل كشكول خاص ب head lines دة أنا كنت باسمية كشكول الإمتياز و هو يتكون من العناوين الأساسية فى كل موضوع يعنى ممكن نلخص 20 صفحة فى ورقة واحدة مجرد عناوين علشان الأسئلة الطويلة و أخر نقطة فى الوقت الحالى هى عمل main fram work لكل مادة مثلا التشرح أى سؤال فية solid organ يبقى نكتب فية:size, site , boundries & borders ,surfaces, relation, internal structure ,blood sup.,n.
و على فكرة أنا شخصيا أيام أمتحانات الجزء الأول فى الماجستير الدنيا كانت مزنقة معايا جدا المهم عملت الطريقة دى فى الفارما و الفسيولوجى و التشريح و الحمد للة جبت إمتياز فى الفارما و فى أسئلة ماكنتش قريتها أساسا قبل الإمتحان أهم حاجة أنك تمشى على common pathway علشان ما تنساش حاجات كبيرةsuply.,lymphatics, main physiological action

انا بصراحه كنت بابقي مزنوق لاخر السنه ولليله الامتحان يعني اعتقد طول الخمس سنين ماخلصتش حاجه علي بعضيها ولكن كان ربنا بيستر
المهم انك زي ما قال الاصدقاء تنظمي وقتك كويس - حاولي ما تلتزميش بالمحاضرات ...يعني نظمي جدول خاص لنفسك خلال الفتره القادمه بحيث يبقي فيه كميه معينه من الصفحات كل يوم وكل صفحه قراءه سريعه ثم حفظ العناوين الريسيه في كل موضوع كويس وبعدين التفاصيل تحاول تفهميها وممكن تعبري بإسلوبك .
المهم كويس ان تبدأي الان ولكن ماتحطيش نفسك في stress ولكن حاولي تحطي في الجدول وقت للراحه وللترفيه .
وكويس ان يكون عندك اسلوب تشجيع الذات يعني تقولي مثلا لو خلصت الحته دي هاكافئ نفسي بالحاجه الفلانيه.....
اعتقد ده باختصار طريه كويس .... وبعدين لو اتزنقت ممكن تبصي في مذكره الامتحانات هتفيد قوي
بالاضافه لحكايه وضع شفيع لكل ماده ... ربنا معاكوا وتجيبوا احسن تقديرات .