ازيك يا مرمورة
1- الموضوع ده طبيعي جدا و بيحصل لينا كلنا
* يقال ان الانسان بيمر بدورة لل ( موود ) اوقات بتبقى نفسيته فوق و اوقات مش اوي , و بيرسموا لكل ( طيار ) المنحنى بتاع الموود بتاعه , لو هوه في قاع المنحنى بيمنعوه من انه يركب الطيارة
2 - حاول تعرفي لو فيه سبب معين دلوقتي , متضايقة من حاجة معينة , نفسك ف حاجة كدة يعني
* لو فيه , تعاملي مع شعورك ده , احكي لحد , اكتبي مذكرات او يوميات , حاولي تحققي اللي انتي عايزاه
3- لو مفيش سبب و ديه حاجة عادية حددي تقدري تضيعي وقت ولا لا
* لو تقدري تضيعي وقت , اول يوم حاولي تقضيه ف هدوء يمكن مش تاخد اكتر من يوم و لما تصحي تاني يوم يكون ربنا عدلها
* لو فضلت لتاني يوم قرري تتفسحي ف تاني يوم
ابتديه مثلا بقداس , او شغلي قداس ع الكومبيوتر الصبح , او ترانيم هادية , و اقري حاجة معزية م الانجيل ( مثلا شغلي الانجيل المسموع ع المزامير )
ابعدي تماما عن الترانيم و الاغاني الكئيبة , ممكن تسمعي موسيقى هادية مش كئيبة
فكري ممكن تخرجي فين تتفسحي , تنزلي تاكلي برة , تخرجي تزوري اصحابك
اقصد ده وقت ( ميت ) حوليه لوقت حلو ف حياتك مدام كدة كدة مش حتقدري تذاكري
* تالت يوم لو اتعدلت يبقى كويس , لو مش اتعدلت ابتدي حسي بالذتب ( انا بقاه لعبت و ضيعت وقت كتير , لازم اذاكر بقاه اعوض اللي ضيعته ) قوليها باصرار و ابتدي مذاكرة تالت يوم حتى لو خفيف , ابتدي بمادة بتحبيها , او مادة سهلة , او حتى حاجة ذاكرتيها قبل كدة
و ان شاء الله العملية مش حتاخد اكتر من تلت او اربع ايام
4- لو مفيش وقت تضيعيه اساسا , و فيه امتحانات قريبة
ملهاش حل , حتذاكري يعني حتذاكري
حطي قدامك صورة حد دحيح و اتفرجي عليها
حطي قدامك رعب الامتحانات , هدف النجاح , اي حاجة
بس بتتعاملي مع الرعب ان ده ( سبب تذاكري ) مش ( مصيبة حتحصل لو مذاكرتيش )
اقصد
بنخوف نفسنا عشان نذاكر , مش نصدق و يجيلنا انهيار عصبي!
ديه خطوط عريضة , و فيه شوية تفاصيل تانية مش مهمة اوي
و ان شاء الله تتعدل
2008-02-09, 1:21 pm
ايه يا دكاترة
