فى البدايه ده مش كلامى انا دى خطط بنات حواء علشان تجيب العريس علشان الولاد الغلابه يفهموا الحكايه ماشيه ازاى (وقد اعذر من انذر) ه
1- التعود و الcut
تعتمد هذه الخطه علي ان البنت تلزق للولد....تطلعله من الحنفيه....تخليه يسمع صوتها قبل النوم و بعده ...تليفونات و حركات و استماع مستمر لمشاكله....و بعد ما يتحول لمدمن....تعمل Cut...تخليه يدور عليها في كل مكان...و بعد ما يفقد الامل تظهر فجأه بجمله "اصلي بصراحه مش عارفه نهايه الاحنا فيه دا ايه" يقع المعلم " انا مستعد اتقدملك"...هى تستغل الفرصه و تقول "خلاص انا هكلم ماما".
2- التقل سر الصنعه
اذا كان الولد من النوع اللي يعرف بنات كتير فالتقل هو الخطه الانسب تعتمد في الاساس علي المراوغه و الطناش....يعنى ييجي يتعرف عليها تسيبه و تمشي...يحاول يكلمها تديله الطرشه...و اول ما تحس انه هيزهق منها...تبتسمله و بعدها تكمل الطناش لحد ما ييجي رسم عليها باعلانه عن احساسه بيها و رغبته في الارتباط بس الظروف وحشه معاه...الوقت هنا سانح للقبض عليه بجمله "بابا ممكن يقدر الظروف دى...اصل انا و هو اصحاب اوى...انا هحدد لك معاد معاه".
3- ماما سألتنى عليك
لما متلاقثش في الصاحب عدل ابعتيه لماما...المهم انك تقوليله ان "انا و ماما اصحاب" و توصليلو معلومه انك دايما بتحكيلها كل حاجه و تيجى في مرة تقوليله و هو بيكلمك في التليفون "استنى ماما عايزة تسلم عليك"...و تسليملها السماعه بسرعه و لان ماما هتدعيله في المكالمه بان "ربنا يوفقك يابني"...بعدها بكام يوم و كانك بتهزري "تصور ماما امبارح سألتنى امتى هاتيجى البيت" و تكرريها مرة تانيه بجد لحد ما تحددو معاد للتدبيسه قصدى للعزومه الاولى.
4- الصديق الوفي
الصاحبه ليها عند صاحبتها ايه غير عريس ده افضل خدمه ممكن تقدمها لها و تقف جنبها فيها يعنى اول ما تنشني علي الزبون و تتعرفي عليه ابعتيله صاحبتك علي انها ترشحك ليه كعروسه هايله و بنت لقطه لو خسرك مش هيلاقي زيك تانى طبعا و انتى ماتعرفيش حاجه لحد مايفاجئك بالموضوع ده و يبقي الصاحب هو الشاهد علي العلاقه و الدافع لدخول الزبون يووووووووووة العريس البيت.
5- جانى عريس
لو كان العريس من النوع البارد شويه حاولي تسخنيه و تحصلى في الاول علي اعتراف منه بحبه ليكى بعد الحصول...كل يومين قوليلو "تصور ماما كانت جيبالي عريس امبارح بس انا رفضت" و هكذا... لحد ماتيجى مرة تقوليلو "انا هكلمك بصراحه يا عمرو...انا كل الحجج قولتها للعرسان و ماما بتغط عليا عشان اوافق و انت مش بتتحرك قولى حتى انك جاى و انا هتصرف معاهم" و اول ما قول احدفيه لماما علي طول و هي هتتصرف.
عايز رايكم بصراحه وياريت البنات يشاركونا ويقولو لو فيه طرق جديده طلعت اليومين دول
jesus love Me عضو مميز
عدد الرسائل : 139 العمر : 35 تاريخ التسجيل : 06/02/2008
ازيك يا adminعامل ايه ايه اللى انت كاتبه ده ؟ ممكن تكون الطرق ديه صحيحة ولكن مش لاولاد ربنا وللصراحة ممكن تكون التسبة 20 فى المية ولكن هذه التصرفات مش تصرفاتنا احنا ابدااااااااااا على العموم ده كان رايى فى الموضوع ربنا معاكو ويساعدكو اختكم M
Admin Romany 777
عدد الرسائل : 210 العمر : 41 رتبه العضو : المشرف العام تاريخ التسجيل : 23/11/2007
الادمن بيقرا واقع مكتوب في المجتمع وشوفته بعيني قبل كده و / دروما علشان خلاص ربنا كرمه مش هامه حاجة وبيعاير الادمن هايجيلك يوم يا حلو و تتزنق في قفص الزوجية علي فكرة القفص ده من الحديد الصلب وmade by god يعني ممكن تتمني اي امنية مهما بلغت صعوبتها بس انسي ان انت تعرف تفلفص أو تهرش في هذا القفص الضيق ربنا يسترها علينا دنيا وآخره
mickey عضو جديد
عدد الرسائل : 46 العمر : 38 تاريخ التسجيل : 30/12/2007
ايه يا عم الادمن انت عاوز تعمل ثورة ذكورية فى المنتدى و لا ايه انا ضد التمييز ضد المرأة و ان كان فى جوفه حقيقة و الحقيقة ليست مطلقة اه فين ايامك يا سى السيد لما كان يدخل بيته يزأر كالأسد فتنفض زوجته المسكينة ذعرا و خوفا و ان كان فى ذعرها احتراما له.
Admin Romany 777
عدد الرسائل : 210 العمر : 41 رتبه العضو : المشرف العام تاريخ التسجيل : 23/11/2007
ربنا يستر يا شباب عامة أحنا عاوزين نعمل أتفاقية ذكورية و نسميها إتفاقية السكاكين البلاستكو ممكن نسغنى عن المقصات فى البيت و نحلق بمكن كهربة يعنى و ممكن نستخدم أكياس قماش بدل البلاستك و ...ربنا يستر و لو حصلنا حاجة يبقى دمنا فى رقبة الأدمن اللى هايودينا فى داهية كشفت راسى و دعيت عليك دعوة و لية مفترية ساعة الضهرية يا أدمن يأ أبن أم أدمن .....
2008-01-28, 12:19 pm
علشان تجيب العريس
ازيك يا adminعامل ايه
