اللقاء الأول مع Dr_Roma

باعتبار ان Dr_Roma اول خريج يكتب ف المنتدى , قررنا نطلع عينيه
و حنبتدي اهوه من غير مقدمات


1- قول مقدمة عن نفسك من غير ما تكتب فيها حرف الراء
2 - اكتب حاجة جميلة حصلتلك ف كل سنة من سنين الكلية
3 - اوحش حاجة حصلتلك ف الكلية ؟
4- اجمل دفعة اكبر منك شفتها
5- اجمل دفعة اصغر منك شفتها
6- تنصح سنة اولى تقولهم ايه ؟
7- تنصح اخر سنة تقولهم ايه ؟

و ديه بس البداية عشان مش نتقل عليك ... و التقيل جاي

أما أوحش حاجة فبصراحة كتير و مش هاقدر أقولها لأن معظمها ماتتقالش لأنى لما بفتكرها بحس أن أنا كنت غبى منة فية و رحم اللة أمرئ عرف قدر نفسة بس هو أسواء موقف حصلى و أنا ف سنة تالتة و يعنى ممكن نتكلم علية بعدين لأنة موقف زبالة جدا بصراحة و أنا يومها حسيت أن ودانى طولت جدا يومها ياللة الواحد ما بيتعلمش بالساهل

أجمل دفعة أكبر منى هما أتنين :
دفعة عمنا و كبيرنا د/جورج جلال و فهمى و فادى و المعلم مايكل سوريال
و الدفع التانية أنتم عارفنها طبعا: دفعة أخواتنا و أصحابنا و حبايبنا وائل و جورج و باسم و أمير و هانىو مينا
الناس دول بجد أدين ليهم بالفضل لأنهم بجد مش كانوا أصحابنا بس لأ دول كانوا أكتر بكتير من أخواتنا كانوا جدعان جدا و رجالة و كان قلبنا على بعض كنا كدة شلة زى العسل و ياما رحنا مع بعض معسكرات و رحلات ياة كانت أيام جميلة و الواحد ما يكفهوش سنة علشان أحكيلكوا المواقف الحلوة اللى حصلت معانا فى الكلية

أما عن أجمل دفعة أصغر منى فطبعا مجبر أخيكم لا بطل ماقدرش أقول إلا أنها دفعة بوبو لأ بس بجد هى ألذ دفعة جت بعدنا يمكن عم بيتر و جون و شادى كانوا جمال بس المشكلة أنهم كانوا قليلين أما دفعة مستر ميخائيل شنوبى و طبعا مش هاقولكم هو مين فهى بجد أجمل دفعة جت بعدنا

أنصح سنة أولى أقولهم:
كونــــــــــــــــــــــــــــــــــــــوا رجــــــــــــــــــــــــــــــــــــــــــالاً
و ربنا معاكم و شوفوا كل يوم و حش هايعدى عليكم تأكدوا ان فية غيركم مر بية وعدى عادى جدا و كل ليلة أمتحان صعبة أكيد فية أصعب منها و اللى أتكتب على الجبين لازم تشوفة العين و الكلية بصراحة مكونة من 6 سنوات عجاف أسود من قرن الخروب و ربنا يعينكم على ما بلاكم
كلام بجد بقى: شدوا حيلكم علشان الدرجة البيضة بتنفع فى اليوم الأسود لأن بعد الكلية هاتلاقوا كل حاجة فى حياتكم ماشية بالمجموع التراكمى

سنة سادسة
هاقولهم بينى و بينهم لأن بصراحة أنا مش ليا فى الكتابة العربى على الكومبيوترو طلع عينى عقبال ما كتبت شوية الكلام دول
ألف ألف شكر ياعم روما على الأستضافة الرائعة دى و أنا تحت أمرك فى أى خدمات و على فكرة أنا مش عارف أقول أية تقديرا ليكم على تعبكم فى عمل المنتدى الرائع دة ربنا يعوضكم

dr_roma كتب:

(1) مقدمة عن نفسى : يعنى أنا من مواليد شهر 11 برج العقرب و أساسا من مواليد المنصورة و لكن لس.... أسف لحسن الحظ أكملت بقية المراحل العمرية يعنى مرحلة البرعم و اليرقة و أبو ذنيبة(من وحى البيئة الشرقاوية) فى محافظة الشرقية المهم بعد كدة أخذت الثانوية و أيامنا كان فية تحسين و أنا بأحس أن أحنا مذنبين عندما نقول أننا تخرجنا فى عصر التحسين و دخلت الكلية و لا حدش سما عليا و كانت مشكلة على فكرة لو كنت أعرف أخرتها كنت حولت من سنة أولى المهم خلصت الكلية و كملت الأمتياز برضة فى الزقازيق و بعد كدة جة توزيع التكليف بتاعنا التابع لوزارة الصحة قبل أعلان نيابات الجامعة و جة التكليف بتاعى فى مديرية الصحة بالدقهلية أدارة ميت غمر المستشفى التكاملى بتفاهنا الأشراف و شفت أسود 6 شهور فى حياتى هناك كنت شغال فى الأدغال

بقولك مقدمة مفيهاش حرف ال ( ر ) اللي هو اول حرف ف اسمك
المقدمة ديه مليانة بحرف ال ( ر )
مش عاجباني
اكتب مقدمة تانية

يا سلام فاضى لك أنا يا سى داى هارت هاتتأمر يا خويا
المهم أما عن الأدغال فكانت أغرب 6 شهور فى حياتى كنت أعمل فى مستشفى أكتب فيها كل شئ بالغة العربي
تخيل لا تكتب أسماء أدوية كل ماكنت أكتبة هو :( ضد الحساسية ضد الأسهال ضد الإمساك)
و إذا ما تعقدت الحالة يكون على كتابة مضاد حيوى و ضد السعال
و ماذا أقول و بماذا أتكلم لو خبرت عن ضد الديدان و الشربة ....ياة أيام!!!!
وصف الأدغال: تتكون من مبنيان أحدهما للتأمين الصحى و الأخر للمستشفى و المستشفى تتكون من 5 طوابق فى الطابق الخامس يقع سكن الأطباء و فى الطابق السفلى يقبع الأسد الجاسور عامل المستشفى و هم 5 عمال كل منهم مصاب بكمية من الأمراض المزمنة و الإعاقات الذهنية التى تكفى لتوزيعها ببلدة أكملها المهم وفى المساء تصبح المستشفى مكونة من العبد للة و العامل المغوار فى بيت الأشباح هذا
و فى إحدى الليالى التى لن أنساها ما حييت كنت نوبطجى يوم جمعة فى هذا المكان الرائع و كنت قد نمت من الساعة الواحدة ظهرا ألى الساعة الثامنة مساء لأنى كنت بالقاهرة فى اليوم السابق المهم كانت هذة الليلة فى شهر 4 و إذ بطاقات الغمر تفتح على القرية الغبراء فأذا بالسماء تقفهر و بعد هذا تنقطع الكهرباء و لا يوجد فى متناول يدى أى نوع من الصوت أو الضوء تخيل هذا المنظر حتى لا أستطيع النوم وذاد الوضع سوء أن غرف السكن لها شبابيك ألوميتال و إذ بتلك السيول المنهمرة باتت تنهمر على السرير و فى أرضية الغرفة وعلى هذا قضيت ليلتى أمسح فى السكن و أطارد المياة المنهمرة كانت ليليلة أبشع من كل اليالى النابغية التى كان يشتكى منها الأخ نابغة الذبيانى الذى قال أن فراشة كان يعلو بها و يقشب
و للحديث بقية

لأ بصراحة مش كل الأقسام تنفع للبنات و للأسف أن معظم الأقسام الإكلينيكية الكبيرة بتبقى متعبة جدا بالنسبة للبنت و المشكلة أن أكتر تخصص عاوز بنات هو أمراض النساء و التوليد بس للأسف تخصص متعب جدا و خطر جدا و مشاكلة كتير جدا يمكن زى التخدير و الجراحة العامة تماما بس طبعا فى حاجات كويسة للبنات زى تخصصات الباطنة الخاصة و طبعا طبعا الأشعة التشخيصية

أما عن أول مرة كتبت فيها الشعر فكانت فى تانية أعدادى و طبعا كان شعر فاشل ثم تطور الموضوع فى مرحلة ثانوى لدرجة أننى كنت أحييت فن الهجاء فى المدرسة حيث أنة كان معى ثلاثة شعراء فشلة أثنان منهم صيادلة و أخرهما دفعتى فى رحلة الشقاء
و بصراحة أول قصيدة كتبتها و نالت إعجاب الناس هى قصيدة رثاء فى مدرس الرياضة الذى كنت آخذ عندة درس لأنة توفى قبل أمتحانات سنة تانية سنوى المهم لما قلت القصيدة فى المدرسة فى الطابور الكل عايطوا مش عارف على الدرس و لا من ردأة الشعر اللة أعلم بس من يومها و أنا صدقت نفسى أنى بكتب شعر

أما هابطل أكتب شعر أمتى فدة بصراحة فى علم الغيب و هأقولك حاجة حلوة كنت قرأتها فى الموضوع دة عن شاعر كان بيتخانق مع مراتة على موضوع الشعر دة

أكتر موسيقى بحبة هو تشيكوفيسكى و سيد درويش
أكتر موسيقى أحبها هى موسيقا التسبحة (نصف الليل)
أكثر مفكر أنبهر بية هما تلاتة و لكل واحد مجالة اللى بيتكلم فية:
الأب متى المسكين - إحسان عبد القدوس-غاندى
عالم أنبهر بة كريك اللى عمل نموذج ال دنا (نموذج واطسون و كريك) ودة بعد ما قرأت كتابة عن حكاية إكتشافة للصيغ المجسمة للنموذج حسيت فية بتواضع غريب لأنة كان يعزى كل تقدم أنجزة للظروف المحيطة و لم يثنى على نفسة قط فى هذا الكتاب و أنا أحترم جدا الشخص الذى لا يتكلم كثيرا عن ذاتة
أما أحسن فة فى و أسوأ صفة فيا فهذا السؤال لا أستطيع إجابتة لأن كل منا ملئ بالعيوب و النقائص التى إذا أبتدأت فى سردها فلن يسعفنى الوقت وإذا تكلمت عن المزايا فربما يراها الأخرين عيبا فأضيفها إلى قائمة عيوبى الكثيرة
بس خلاص

صدقنى يا ميكى موضوع قصيدة الرثاء دة مش بإيدى لأن بصراح مش محتفظبيها و فى نفس الوقت مش فاكرها قوى على العموم تتعوض.
أما موضوع أول مرتب دة فهو أجمل شعور فى الدنيا لما تبدأ تلاقى أنة فية مقابل للتعب بتاعك وعلى فكرة على الرغم من أن مرتب الإمتياز قليل لكن لأنتا بتحس أن الفلوس دى أكتر فلوس مسكتها فى إيدك لأنها بتاعتك بجد مش واخدها من حد
الغربة هى أصعب شعور خاصة لو كنت فى مشكلة مهما كان الوضع و الزملا فإن مشاكل ميت غمر تفرق كتير جدا عن المشكلة اللى بتحصل فى الزقازيق
الحب هو فيض نبيل من المشاعر أصلة من اللة و نهايتة الإنسان و يخرج من المحب إلى كل الناس بدرجات متفاوتة وحرام أنة يكون مقتصر على فرد بعينة .. فاهم؟
أما الحب مابين إثنين فهو علاقة سامية متبادلة أساسها قبول الطرفين لهذة الرابطة الأبدية و لابد ياسيدى الفاضل من ال 3 ت : تكافؤ - تضحية - تبادل مشاعر
أما عن التخدير فصدقنى ياعم ميكى أن الموضوع مافكرتش فية كتير قبل الإختيار بس هو كان ترتيبى فية كويس و فى نفس الوقت التخدير من الحاجات الجميلة جدا و على فكرة إحنا كنا مش عارفين عنة حاجة فى الكلية بس عيبة أنة من المواد الصعبة جدا وعاوز أعصاب حديد. وزيادة على ذلك فإن التخدير فية فروع لسة جديدة بشوكها زى طب علاج الألم ودى وحدة جديدة فى التخدير فى المستشفى وهى دى الSUB_SPECIALITY بتاعتى.و طبعا فية فرع العناية المركزة و أخيرا طب الإبر الصينية ودى كلها فروع من قسم التخدير بصراحة دلوقتى لو أنا مش فى قسم التخدير كنت أتمنى أنى أدخل تخدير

أكتر موقف طلعنى عن شعورى ممكن أبقى أحكية بينى و بينك

.....

أة طلما تعرف موضوع مجفف الملوخية يبقى مفيش غيرك يا عم سام إلا عاوزين نبدأنصنع المجفف دة و نبيعة أية رأيك ونعمل إعلاناتة على المنتدى؟

يا مرحب يا مرحب
و ألف ألف مبروك يا عم على النتيجة
و طبعا كان نفسى أبارك لشادى وبيتر و جون و عادل و آنسات دفعتهم بس طبعا البهوات ماحدش منهم فاضى يدخل علينا المنتدى و لو بحزمة جرجير

ياللة
و عامة مرحب بيك يا مينا و أة إتلم المتعوس على خايب الرجاء
ربنا يستر

بنرحب ب( مينا ) اهلا بيك وسط اخواتك
تشرب ايه يا معلم ؟
و تحب تسال د روما ايه مدام احنا هنا ف ضيافته .....

أنت تسكت خالص كفاية كدة أسئلة إيدى ورمت م الكتابة