USMLE >>> خاص لـــ era

موضوع: USMLE >>> خاص لـــ era 2008-05-20, 8:37 am

الجزء الاول طريق ال

USMLE

معظم الكلام ده مش اختراع وغالبيته متكرر بس انا حزود
رتوش بسيطع ممكن تزود مجموعك ولو شويه بسيطه لان الكلام بتاع فوق ال ٨٥ او
حتى ال ٩٠ فى الجزءين بقا صعب يجيبلك انترفيو فى عياده الحكمه اللى فى
حوارى شيكاجو . وخصوصا بعد انتشار دروس Kaplan الخصوصيه (انا مش عارف
الدكاتره بتجيب الفلوس دى منين تدفع ٥ الاف دولار مقابل كورس كابلن فى
المعادله) طيب اسمع ولو الكلام معاد تحملنى انا بردو اخوك الكبير وبقالى
كتير مش متابع على النت . المواقع الهنديه بتجيبلك المعادله لحد الباب
المهم ..اسمع يا سيدى المحترم:

١-الترتيب: الجزء الاول تاخده الاول .. فى ابسط من كده ... ده حتى ال
USMLE PART1 والثانى اسمه PART2 يبقى اكيد معناه يا اولاد ان فيه جزء اول
وبعدين جزء ثانى .. مش عارف الحقيقه البسيطه دى ..لكن غالبيه الشباب
ومعظمنا بعد التخرج بيبدأ بالجزء الثانى ال كلينكال عشان (قال يعنى عشان
تكون معلومات الكلبنكال لسه فرش فى راسى كانها كيلو سمك لسه طازه) مع ان

الجزء الاول الامتحان كله حالات مع انه امتحان basic science بس طبعا
الاسئله بتاعت الحالات مباشره شويه.. بس سيادتك اتخدعت فى كلمه الجزء
الاول الbasic science ...زى عندنا فى الكليه اول ثلاث سنين بنخلصهم من
غير منعرف تطبق الكلام اللى درسته.. ولو جالك عيان وانت فى سنه ثانيه مثلا
تقولوه فوت عليا بعد اربع سنين اكون درست حالتك فى الكلينكل!! مع انك لو
طبقت الكلام بتاع اول ٣ سنين حتوصل الى تشخيص وممكن علاج (وهو ده المطلوب
فى الجزء الاول تشخيص غالبا) ولو حتى جالك مثلا حاله واحد غيبوبه سكر DKA
ودى مشهوره فى الجزء الاول(مع انها كلينكال يا سبحان الله) وانت عارف ان
acidosis =Increase H والعلاقه دائما بين الهيدروجين وال البتاسيوم زى بعض
. يزيدو مع بعض ويقلو مع بعض(طبعا فيه exeption) وده كلام basic science
فلو جابلك رسم قلب وجابلك sine wave ده عشان الزياده الكبيره فى
البوتاسيوم وتاثير دى على العيان وهاكذا فيه امثله للصبح تبقى عمال تحل فى
كلينكال والامتحان اسمه Part 1

ثانيا ٤٠ % من الاسئله بيتكرر باسلوب غير مباشر فى الجزء الثانى اللى احنا
اتفقنا ان الجزئين كلينكال ...مش حييجى يقلك فى الجزء الاول اكمل المعادله
الناقصه والكلام ده فالمحصله ان حتكون مستعد اكتر فى الجزء الثانى
بمعلومات بنيتها من امتحان الجزء الاول

ثالثا ان درجات الجزء الثانى اهم فى الماتش ولما البروجرام يبص على
الدرجات بيهتم بالجزء الثانى اكتر فانت ما تخاطرش فى الجزء الثانى قبل
الاول وتشوف نفسك متعود على اسلوب امتحان ال USMLEقبل ما تخش معمعه امتحان
Step2CK

دى امثله مش ١٠٠% مظبوطه فيه شواز لكل قاعده . يظل ان فيه ناس مسترييحه
تخش الثانى قبل الاولانى ويظل ان فيه اسئله قليله مباشره فى الجزء الاول
وهكذا بس انا بقول القاعده العامه

٢- المصادر: اضف الى مكتبتك هذا الكتاب الجديد!! (الكلام ده معروف من ٩٩% منكم بس الاعاده افاده):

الجزء الاول: زى الشاطر تنزل كل الDVDبتاع كابلن وتشوفها او تسمعها مع ال
كتب بتاعتها Kaplan Lecture Notes + فى الباثولوجى انسى كابلن وزاكر من
dr. Gjolian محاضراته صوت مهمه جدا جدا والكتاب الباثولوجى بتاعه حتى
موجود PDF على النت ومهم جدا متهملش بردو ال Slid بتاعت دكتور جوليان +
الباكتيريا Microbilogy made Redeculsly Simple

٣- المزاكره:

حضرت العده دى ...حاول تشوف كل يوم ساعه او ٢ مش اكتر وعشان تستغل الوقت
وانت مسافر او راكب مواصلات اسمع جوليان صوت ووكمان او MP3 الموضوع حياخد
منك مزاكره اولى ٤ الى ٥ شهور عشان تحفطهم( مش كتير زى ما انت فاهم لان
الدرجه حتفرق) وبعدين تجيب ال FIRST AID مهم جدا جدا تزاكر منه بعد ما
تخلص كابلن مش قبله

بعد ٦ شهور متوسط المجهود ده كله ملهوش قيمه من غير ما تعمل حاجتين مهمين:

تشترك فى ال USMLE WORLD ده MUST مش اختيار ولا تقولى انا اصحابى سرقو
الاسئله والحاجات دى ... الكلام ده لازم ينتهى باشتراك لمده شهر بى ٨٠
دولار هما اهم من اشتراك الامتحان نفسه وتعمل الشهر كله بلوكات بوقت محسوب
زى الامتحان الاصلى بعد كل بلوك تكتب المعلومات الجديده اللى صعب اصلا
تلاقيها فى كابلن واضحه وانت مش عارف اذا كانت مهمه ولا لا!! واللى انت
لازم تعرفه ان ١٠% من اسئله UW لقيتها فى الامتحان بتاعى والباقى شبه
الاسلوب بتاع ال UW . كام معلومه من اسئله غلط:

IgA Released from B cell ander effect of TGF-b mainly and then IL5

HTN patient on Thiazide duiretic+ LOW Na diet ---> المحصله ان بيزيد
Renal Na reapsorption ويقل ال صوديوم فى البول!!! عشان بيزيد تحفيز
الaldesteron

Etarecept(Tum. Necrosis Factor inhibitor, ttt of autoimmune like RA) MUST do screen for TB, PDD skin test, before use

وهكذا دواليك امثله لا حصر لها وتكتب وفى اخر الكورس حيكون عندك مزكرات قيمه فيها الخلاصه

الحاجه الثانيه اللى لازم تعملها لازم جدا جدا تعمل امتحان تجربه فى موقع
المعادله الرسمى NBMEوتاخد الامتحان ال٤ او ٥ وتدفع ٤٠ دولار الكلام ده
قبل معاد امتحانك بى اسبوع الى اسبوعين وبعد ما تخلص USMLE World ده بردو
مش اختيار ده اجبار لان انت الدرجه اللى حتجيبها فى الامتحان ده هى حتكون
تقريبا الدرجه اللى حا تجيبها ى الامتحان الحقيقى ولو جبت اقل من ٩٠ متخشش
عشان انت مش لازم تضيع مستقبلك فى سبيل تجربه. اما لو انت حاسس انك احسن
او ما كنتش مستعد خد امتحان تجريبى تانى من الخمسه اللى على الموقع وتشوف
حتجيب كام المره دى !! المهم متخشش من غير فكره مسبقه عن الدرجه التقريبيه
اللى حتجيبها فى الامتحان

ألامتحان نفسه:

سيبك من الكام اللى انت اكيد عارفه بتاع الوقت مش كفايه ولازم تستريح كويس
واتنام وتجيب معاك موز وشكلاته .. اكيد انت عارفه.. لكن اللى انت مش عارفه
الحاجات دى:

اسئله المعاده غبيه جدا ومتوقعه لانها لازم تكون متفصله بالمقاش مش زى
الواقع اللى ممكن اى شخص معنده اى مرض فى الكتاب مش لازم يكون بالظبط..
عشان كده

اولا واهم حاجه تبدأ السؤال تقرا اول جمله تعرف العيان راجل ولا ست كام
سنه ازا كان اسود ولا اروبى ولا طفل وبعدين تسيب الكلام اللى فى النص وتنط
على اخر سطر مكتوب ايه بالظبط ... عاوز تشخيص ولا تحليل ولا احسن خطوه
تتعمل وبعدين تنزل بعينك على الاختيارات .. ممكن تجاب ٤٠% من الاسئله كده
من غير ما تقرا السؤال نفسه واسمع مثلا

راجل ٥٠ ولا ٦٠ سنه بيدخن بقاله فتره طويله ده Cancer Lungحتى لو حاله
جلديه وحيقولك عنده مشكله فى البول كتير tumour secretes hormone like
factors

طقل قوقازين دى حاله Cystic Fibrosis طفل اسود دى حاله Sickle Cell Anemiaوغلبا تكون حاله حرجه ... الخ معرفتش تبقى تقرى الحاله

الامتحان مفيش مشكله لو جاوبت صح بس المهم انك تجاوب متسبش سؤال . غالبا
لما كنت فى الامتحان ومعدش على البلوك غير ٥ دقايق وانا ادامى ٦ اسئله
يعنى لو فكرت ححل ٣ ومش حشوف ٣ اسئله وطبعا احتمال ان ال ٣ اللى حلتهم مش
صح ! الحل انى كنت من غير ما اقرا السؤال اختار اى حاجه واجيب السؤال اللى
بعده ,الى ان اخلص ال ٦ او ٧ اسئله الباقيينى وبكده اضمن لو حتى الوقت خلص
من غير ما اشوف السؤال الاخير او اللى قبله ففيه فرصه ٢٠% ان اجابتى صح
بدل فرصه ٠% .. وطبعا وانا بقلب بسرعه فى الاسئله عشان اختار اى حاجه لما
بشوف سؤل سطرين اقراه بسرعه واحله يبقى بكده بعلى من فرصتى فى ان الاجابه
العشوائيه تكون اقرب الى الصحه . لان غالبا ولاد اللقيمه بيحطو اسئله
طويله فى النهايه وانت فى عرض دقيقه ..

طبعا اى صوره او تحليل بص عليها الاول وبعدين بص على الاختيارات بسرعه
يعنى سؤال انا فاكره جايب صوره عين وانا متهيألى ان العين كانت زرقا روحت
بصيت على الاختيارات وجدت اسم مرض Osteogenesis Imperfecta من غير ما افكر
او اقرا السؤال مين وفين وازاى رحت اخترت الاجابه دى واللى بعده

الامتحان مفيش فيه ٣ اسئله هستولوجى على بعض ويليه التشريح والمناعه فى
الكميه لكن مليان بيوكمسترى يليه فسيولوجى وفارما( انا مش عاوز احط
الباثولوجى منفصل لانه موجود فى كل حاجه وجزء من كل سؤال)

غالبا لو عملت معظم الحاجات دى مع اضافات شخصيه طبعا حتجيب فوق ال ٩٠ ان
شاء الله فى الجزء الاول \

موضوع: رد: USMLE >>> خاص لـــ era 2008-05-20, 8:38 am

الجزء الثانى :

قبل البدء فى امتحان الجزء الثانى من المعادله: اقف على بعد الملحوظات:

انا بعتزر على تأخر ردودى لان انا فى دوامه وفعلا الموضوع محتاج تركيز
وتفرغ للردود. وانا بحاول على الاقل فى اوقات الاجازه انى اكمل الاجزاء

ثانيا : فى بعض الاسئله بتنم على ان الموضوع بدأ يطول ومحدش بيقرأ زى
الدكتور اللى بيقولى هو انت خريج المنصوره؟ او اخر بيسال هو كابلن فى
الباثولوجى كويس؟

واخيرا: لو القارئ لم يستفيد من بعض الملاحظات اللى طرحتها فى كل خطوه من
اول كندا وانتهاءا بأخر بوست ليه عن ازاى تحضر نفسك للجزء الاول من ال
USMLE ..يبقى اكيد فيه حاجه غلط او انا كلامى مش واضح او (وده اقرب
للصححه) انه مش مهتم اصلا او فاكر انها حاجه ببلاش كده .. وانا من خلال
الموضوع ده . انا مش بعرض تجربتى الشخصيه لانها مليئه بالاخطاء الى انا مش
عاوز اخواتى الاطباء يقعوا فيها زى مصادر المزاكره والولايات اللى تقدم
عليها وغيره من الاخطاء اللى ممكن نتجنبها لو واحد نصحنا

الجزء الثانىUSMLE STEP 2CK: غالبا ممكن تزاكره وانت فى مصر او تاخذه بعد
ما تعمل elective or rotations فى امريكا وفيه ناس كتير بتعمله فى الاخر
بعد الامتحان العملى كمان اللى بيتعمل فى امريكا وده على فكره مقبول كمان
..لان العملى اللى فى امريكا ليه اماكن محدوده وبتخلص بالذات قبل معاد
الماتش لان الاطباء فى العالم كله بتحاول تاخذ ال CSA فى الصيف او قبل
الماتش وعلى فكره لو دخلت امريكا على الامتحان العملى وعمل اليكتف وترحع
مصر عشان ال Step 2 CK لما تسافر مره تانيه عشان الماتش حتبقى النسبه الك
اسهل

وفيه نقطه مهمه جداجدا للصبح... لازم تاخد بالك منها. ٧٠% من الاطباء
المصريين بيسافرو على الامتحان العملى وبيقدمو على الماتش وطبعا موسم
الانترفيو بيبدأ فى شهر اكتوبر وبيستمر الى اول فبراير( انا جاتلى مقابله
فى اول فبراير) فطبعا ادامك احد الحلين : انك تقدم طلب مد لى فتره اقامتك
٦ شهور كمان ودى فرصه قبولها ٦٠% او ترجع مصر وامرك لله ....لان فيه حاجه
مهمه جدا: اول ما تقدم على تمديد فتره الاقامه لمده كمان وحتى لو تمت
الموافقه عليها من الحكومه الامريكيه ده بيساوى= رفض للفيزا بعد كده لما
تجيلك الوظيفه وتمتش .. وده اسوأ من انك متسافرش من اصله او ترسب فى
امتحان المعادله . لكن تصرف الفلوس دى كلها وتسافر امريكا وتروح انترفيو
وفى الاخر بعد ماتفرح وتجيلك وظيفه. موظف السفاره فى مصر يرفض يديلك
التأشيره عشان عملت تمديد لفتره اقامتك!!! فتجنب ده من الاول وحاول تدخل
امريكا قبل الانترفيو بفتره قليله.

عوده الى USMLE step 2 CK المصادر: اولا واخيرا الكلمه السحريه هة حل
الاسئله ومن خلال تجارب ناس كتير الى يحل ٥٠٠٠ سؤال حيجيب مجموع اكبر من
اللى حل ١٠٠٠ وهكذ وطبعا اال USMLE WORLD ده احسن مرجع فى الاجزاء الثلاثه
وخلاصه الناس اللى عملو الموقع ده فلو انت عاوز تشترك فى ال UW مره واحده
فى عمرك يبقى اشترك فى الجزء الثانى على الاقل وادفع ١٢٠ دولار لانهم احسن
من اى درس خصوصى ممكن تاخده . وطبعا ده بالاضافه الى كابلن DVD واسئله
كابلن بس المره دى حتعمل على الاقل ٣ شهور لحل الاسئله فقط وتسمع برده
دكتور جوليان . الانترنت مهم جدا وللاسف محدش بيقدر اهميته كمصدر للتعلم .
مش بس فيه مواقع تتعلم قرايه ال Xray and EKG بس الاهم تبقى مواكب مع
المعلومات زى مثلا كام واحد قعد يحفظ البروتوكولات بتاعت المضادات الحيويه
اللى المفروض ياخذها مريض القلب قبل عمل عمليات جراحيه او حاجه فى اسنانه
للوقايه من Infective Endocarditis لكن من شهرين الكلام ده كله اترمى فى
الزباله ومعدش فارقه انك تديله مضادات حيويه من عدمه !!! وهكذا دواليك.

ال First Aid حيوى وغالبا تحفظه كويس لان بعد الامتحان لما تراجع الاسئله
حتجد ان كل صفحه سؤال فى الامتحان. فيه طبعا كتب كثيره فيها تجميعات ودى
من الاخر هيه وسيله مزاكره الجزء الثانى لانك مش حتعرف تغطى كل النسا
والاطفال والجراحه وغيره من التخصصات زى الخبراء ..بس انت لازم تعرف هما
بيفكرو ازاى والامراض اللى بيعشقوها فى الامتحان ايه .. عشان كده كتب
التجميعات وحل الاسئله هو احسن طريقه .. بس متعملش كده غير لما تكون قارى
معلومات اساسيه من كابلن قبل حل الاسئله والا حتفضل تحل اسئله سنتين عشان
تغطى كل المنهج(ماتخفش الامراض والاسئله بتتكرر) طبعا مش عاوز اوصيك انك
لازم ولابد انك تاخد NBMEامتحان قبل معاد امتحانك بى اسبوعين عشان تقف على
مستواك زى الجزء الاول

الامتحان نفسه حاول برده تمشى بالظبط بنفس الاسلوب اللى عملته فى الجزء
الاول بس على فكره فى الامتحان ده الاسئله حلها كلمه واكثر توقعا من
الاجزء الاول اللى كان بيعتمد على معلومه. لكن الجزء ده عاوز يعرف انت
واخد بالك ولا لا فبيسال اسئله من نوعيه Best next step, best diagnostic,
best thing to do ,وال UW حيقوى الموضوع ده عندك يعنى حديلك مثل واحد جاله
Heart Attack واحنا عارفين زى الشطار انك بتديله على طول منى MONAعشان
قلبه ينتعش بس السؤال هو

what is the first thing to do: a) Oxygen b) Nitroglycerin c) Aspirin d)
Morphine and what if he ask : what is the next step to do

انا حسيب السؤال ده واشوف انتو فاهمين اسلوب الجزء الثانى ولا لا؟

المفروض الكلام ده فيه ناس كتير عارفاه وقرته على المواقع التانيه عشان
كده انا حكتفى بهذا القدر لان الان معدش فيه اخلاف على المصادؤ لانها بقت
احسن بكتير قبل ما ابتدى مزاكره وكان قدامى مصادر معفنه زى Blue Print and
NMS Appleton&Lange دلوقتى فيه دروس خصوصيه فى المعادله كمان ومنتشره
فى مصر . لكن الكلام اللى قلته فوق ده لو طبقتع مش حتحتاج دروس ان شاء الله

موضوع: رد: USMLE >>> خاص لـــ era 2008-05-20, 2:57 pm

شكرا يا أدمين جدا .. عندك سرعة فى الاستجابة
الكلام ده هيخلينى افكر تانى .. وده كويس جدا

موضوع: رد: USMLE >>> خاص لـــ era 2008-05-20, 3:08 pm

تحت امرك ياجميل
ربنا يوفقك وترفع راسنا ويكون اول واحد يعمل المعادله من دفعتنا

موضوع: رد: USMLE >>> خاص لـــ era 2008-05-20, 4:43 pm

ايدى على كتفك ..
ماتنساناش بس فى صلواتك ..

» للمعادلة kaplan system review of usmle