(صفات البنات).......الولاد بس يدخلو ( اعرف عدوك)

النهاردة جايب لكوا صفات المخلوقات الرقيقه اللى عايشه معانا (كلام اغانى بس)
الحمد لله مش هقول كل البنات بتتمتع بالصفات دى هقول 99% بس ههههه
(ولله الحمد فيه 1% مش فيهم الصفات دى)
ههههههههههه تعالوا نشوف هى ايه



1- النكد
مشفتش اى بنت مش بتحب النكد والنكد ليه صور كتير
الخناق عمال على بطال وتنكد على جوزها او خطبها الى يعينى بيكون غلبان وبيستحمل ( اى والله احنا مظلومين بقينا زى الجمال من الى بيحصل فينا )
طيب مفيش خطيب ولا جوز يبقى التليفزيون وكام مسلسل درامى او فيلم وعلبتين مناديل وهات يا عياط
حتى الدراسة بعد اى امتحان لازم تخرج تعيط فى ايه يا بنتى مالك اصلى محلتش النقطة الاخيرة فى الامتحان هسسسسسسسقط ( مع العلم ان النقطة دى فى سوال اختيارى وهى حلته زيادة تاكيد)

2- الميول العدوانية
عمرك شفت بنت بتتفرج على مصارعة ؟؟؟
ايوة والله فى بنات كتير بتتفرج على مصارعة وحافظين اسماء المصارعين كمان وحركتهم ...غير ان فى بنات كتير بطلات رفع اثقال- وتايكوندو- والعاب عنيفة كتير ( يارب لما تعاكس متقعش فى ايد وحدة منهم)
3- الاصراف
بيحبو يشترو اى حاجة مش مهم هى ايه او بتعمل ايه او فايدتها ايه بس هى حاجة جيدة وخلاص غير اللبس والميك اب والجيم..الخ الخ
تعالى فى مرة اعمل دور جنتلة وقول لبنت انا عزمك فى اى مكان تحبيه بس تكون عامل حسابك وبايع بيتكم قبلها عشان تسدد الفاتورة
لان مفيش بنت هتدخلك محل كشرى ولا مطعم فول

4- الغيرة
الغيرة للبنت حاجة عادية للولد تبقى شك
طيب والبنت الى بتبص للبنات الى فى الشارع او الكلية او الشغل عشان تشوفهم بيعملو ايه وتعمله ( تلقيها ديما تقولك هى فلانة حلوة كل ده ميك اب بس / علانة دى اصلا كانت كذا وكذا وكذا ...)

5- العند
العند ده صفة منتشرة جدا بيحبو يعندو عشان يحسسو الشباب انه بيتفقو عليهم تعالى كلم وحدة فى التليفون وقولها اقفلى تقولك لا انت الاول انت تصر انها تقفل الاول هتعند معاك لحد مارصيدك يخلص والخط يقطع من عندك ( مهو طبعا انت الى متصل ...يا جنتل )

6- البراءة المصطنعة والهدوء
البنت ديما تلقيها فى اول مرة تتعرف عليها بتكون هدية ولذيذة ودمها خفيف ولو زعلتها بتسكت وممكن تعيط كمان...بعد فترة لو لمحت من غير ماتقصد وزعلتها هتتمنى لو كنت فى قفص الاسد دلوقتى على الاقل ممكن يتفاهم معاك عنها


كل واحد يقول رأيه ولو عندكو صفات تانيه ياريت نستفيد منها

حلوة فكرة الموضوع
و مما قيل

(لا تطلب الفتاة من الدنيا إلا زوجاً.. فإذا جاء طلبت منهُ كل شيء.. ) شكسبير

شكلك كده يارومانى 777 خبره ..
عندك حق ف اللى انت قلتله بس البنات بجد كائنات غريبة جدا ..
وسيكولوجيتهم عجيبة اوى ..
وصعب جدا ترضى البنت ..
ربنا يحفظنا ..

يا روما اللة يخليك أبقى حدد أنتا أنة روما فيهم لحسن انا كدة ممكن أتطلق من تحت راسك يابعيد و ثانيا الكلام دة تقولة كدة فى سرك مش على الملأ (نو نو نو

dr_roma كتب:

يا روما اللة يخليك أبقى حدد أنتا أنة روما فيهم لحسن انا كدة ممكن أتطلق من تحت راسك يابعيد و ثانيا الكلام دة تقولة كدة فى سرك مش على الملأ (نو نو نو

وقعت يا حلو
بص
قول رأيك و اجري و محدش حيقول لحد

و ممكن كمان نعتبر ان رأيك ده ينطبق ع الغالبية
لكن فيه ناس بقاه عدوا المرحلة ديه من زمان ( و على شان كدة احنا اخترناه )

و صباحك سكر زيادة

يا جدعان على فكرة يا عنى أنتم متخيلين أن البنات دراكولات صغيرين بس هى الفكرة أن هما ال سكوب بتاعهم مختلف عن الولاد لكن عادى ممكن جدا بعد فترة تلاقى وجهات النظر بدأت تتقارب و الدنيا تمشى
على فكرة المشكلة بتبقى كبيرة جدا لو أنت مالكش أخوات بنات لأنك فى معاملتك مع أى بنت بتبقى متخيلها زى أخوك و بالتالى ممكن تهزر معاها بكرسى أو أيد مقشة و طبعا طبعا لو ما وفقتكش على طريقة الهزار دى تفتكر أنها متكبره و مش راضية تعبرك بس المشكلة فيك
من الإخر:
الفرق بين تفكير الولد و تفكير البنت زى الفرق بين الطب الفرعونى و الطب الصينى القديم الأتنين ممكن يخففوا العيان بس عمر الأتنين ما بيتبعوا نفس الطريقة
ومن الواضح جدا أن أنا مش عارف أتكلم و مصيركوا فى يوم من الأيام هاتبقوا زىىى

ياداى هارت ..
معظم البنات مش بينهم صداقة حقيقية ..
ومعظم الولاد مش بينهم صداقة حقيقية ..
اللى ممكن يميز علاقة الولاد هى صفات الرجولة ممكن والجدعنه .. بس مش شرط تبقى صداقة
وجه نظر..معرفش صح ولا غلط

مساء الخير يا جماعة
لو سمحتم انا دخلت وقرات الكلام المكتوب رغم انكوا قولتوا انه للاولاد فقط وقبل ما اقول اللى عندى مش هاتكلم غير لما تقولوا
انكم مستعدين تسمعوا الراى الاخر
بديموقراطية
بس الله يخليكوا مش الديموقراطية اللى احنا عايشين فيها دلوقتى
ربنا معاكوا ويساعدكو
Dr.Marmora

ياريت نسمع طبعا احنا منتدى الديموقراطيه

مساء الخير يا شباب
انا جيت علشان نتفاهم حول الموضوع المطروح على الساحة
انا حاحاول ابين وجهة نظرى كبنت فى كل نقطة من النقاط اوك اتفقنا

1-النكد

انا لا انكر ان هناك نسبة من السيدات التى(لن اقول تحب النكد)ولكن ساقول انها لا تضحى بمعنى
ان الزوجة وخاصة المسيحية يجب ان تضحى بكثير من المشاكل التى تواجهها فى اوقات معينة ثم تعرض المشكلة فى الوقت المناسب لها
بالبلدى يعنى ان الست احيانا بتختار اوقات مش مناسبة تفاتح فيها زوجها عندما ياتى من الشغل مرهق او فى ظروف غير مناسبة وبالتالى بما ان

الزوج لا يضحى ابدااااااااااا
فتقوم الدنيا ولا تقعد وتحدث المشكلة ويقول ان الزوجة هى اللى بتخلق مشاكل
ولكن فى الاخر اقول ان هذه نسبة ضعيفة والدليل
اننا عايشين فى بيوتنا مع ابهاتنا وامهاتنا فلو كانت النسبة كبيرة كان زماننا مشردين الان




2-الميول العدوانية

ليس معنى ان البنت تشاهد بعض الرياضات العنيفة(مع انى لم ار هذا من قبل)انها انسانة عنيفة
ليه منش نقول ان هذا من باب الفضول
فبالنسبة لاى ولد اذا ظهرت الان رياضة جديدة مش هتتفرجوا عليها علشان تعرفوها
اما اذا مارست بالفعل تلك الرياضة العنيفة فان المراة فى هذه الحالة تعتبر هذا تحدى للمجتمع من حولها فهى تريد ان تثبت جدارتها فى كل المجالات بما فيها ما يقال عليه لرجال فقط

اما فبالنسب لموضوع المعاكسة فهذا موضوع خطير ويعتبر نقطة عليك وليست لك وسنناقشها فيما بعد ضرورى


3-الاصراف

اما هذه النقطة فلا اتفق معك فيها نهائيا
فدائما الزوجة تسير مع المستوى المادى للزوج فى مصاريفها
والدليل انك تجد ان اللى ماسك مصروف البيت واللى ممشى المصاريف من اول الشهر الى اخره هى الزوجة
وهذه مسئولية كبيرة جدددااااااااااا يحس بها منكم من بياخد مصروف شهرى
اما بالنسبة للعزومة فبصراحة ده افتراء على البنات اناعمرى ما شفت موقف زى ده بل بالعكس فالبنت لاترى بالعزومات بالساهل واذا وافقت فانها تردها فى اسرع وقت
وهذا عن تجربة


4-الغيرة
موضوع الغيرة للبنت حساس شوية
وذلك لان بدون زعل
الولاد دايما عنهم زايغة
لكن البنات غلبانة بتعتبر نفسها ادبست فى واحد لنهاية العمر ترضى بيه بعيوبه وحسناته
والحاضر يبلغنا عن هذا
انا اعرف ما يقرب من 10 حالات خيانة للزوجات المسيحيات نتج عنها انهيار البيت وذلك بسبب العين الزايغة
يا ريت تكون فهمت ليه الوضع حساس للبنات


5-العند

من الصعب جدا لاى شخص ان يكون مصر على راى او وجهة نظر معينة دون ان يكون له ما يثبت ذلك
ولكن ممكن نقول ان الاولا او الازواج من الصعب جدااااااا على كرامتهم ان يرجعوا فى قرار اتخذونه علشان كرامته
وبالتالى يقول ان مراته بتعنده ولكنها ممكن تكون شايفة الصح


6- البراءة المصطنعة


لا يمكن ان نقول ان هذه صفة للبنات
ولكنها خطا فى شخصية البنت نفسها لانها تريد ان تصبغ شخصيتها وهذا عيب فى سلوكها وتربيتها

كما ان الاولاد اكثر شيوعا فى هذه الصفة


لو سمحتم احنا بنتكلم بالراحة ومش عايزين زعل


بس انا هاستنى الرد فى اسرع وقت

ربنا معاكو ويساعدكو

اختكم
Dr.Marmora

مش تقلق يا admin
انا مش ماسكة فى ايدى سكينة ولا هاقلب عليك
وبعد كدة الرجوع عن الغلط احسن من الاستمرار فيه
كدة ولا ايه يا دكاترة


وبعدين ده احنا ملايكة
بالزمة انتوا ظالمينا

لكن معلش
يا بخت من يبات مظلوم ولا يبات ظالم


انا مستنية باقى الردود

ربنا معاكو

Dr.Marmora

ياادمين سيب الناس تعبر عن رايها ..
ومش مشكلة لو اتقلبوا عليك .. انت اللى بدات
واحذر طريق النساء .. عاقبتها الموت والفناء
وراء كل رجل عظيم امراة تطلع عينه ..
بس برده انا بحب البنات ومانقدرش نعيش من غيرهم ..
بس لو يطلعوا الصفات الجميلة بتاعتهم .. اللى هى اصلا موجوده جواهم

على فكرة داى هارت دة دماغة تقيلة ومتكلفة جدا يا روما أنا بصراحة بتعجبنى ردودة عامة أنا شايف أن الولاد و البنات مظلومين فى مجتمعنا و أنتم أضطرتونى أكتب لكم مناظرة بين المجتمعين الذكورى و الأنثوى و هى منقولة من سيمنار أدبى كنت حضرتة فى معرض الكتاب من كام سنة كدة أنا ها أكتبة فى قسم القلب

صلوا علي النبي يا جدعان مايصحش كده
هانحسر بعض ولا ايه!!!!
احنا بنعبر عن رأينا بهدوء
ومن غير أسافين ياأبو قلب ميت,ماشي؟
امسحها فيا يا ادمن معلش
هاكتب رأي وقت تاني لأن الوقت دلوقتي مش سامح
ولازم نسامح

ازيكوا يا دكاترة

ازيك يا د.بوبو

خلاص بقت البنات هى اللى بتبوظ الموضوع علطول
مافيش حاجة اسمها تفاهم
مافيش حاجة اسمها تقارب وجهان النظر
خلاص عايزين البنت عجيبنة مالهاش شخصية علشان تعجنوها زى ما الواحد عايز

خلاص نسيتوا ان البنت بشر عايزين ملايكة معصومة من الخطا

انانيتكوا غمت عيونكوا عب عيوبكوا الكتيررررررررررررررررررررررررررر

يااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااه


يارب اغفر لهم لانهم لا يعلمون ماذا يطلبون

اوكي اوكي
اقترح ان الناس ديه تتنفى ف مدينة مفيهاش النص الحلو
و وروني حيستحملوا قد ايه

عقاب اللي بيكره النعمة , انها تتاخد منه


ادينا بقاه يا رب

ماشى يا ابو قلب ميت خليك كده عامل فيها بتاع حقوق المرأه
امال بقى سعاتك ايه اللى موت قلبك؟؟؟؟؟
مش حبايبنا الحلوين برضو ولا انا غلطان
انا كاتب الموضوع ده علشان محدش تانى قلبه يموت زيك

هذا الموضوع ذكورى منحرف إية ياشباب خلاص كلكم مشاكلكم عاطفية
بكرة تخلصوا الكلية و تشوفة المشاكل الذهبية ثم المشاكل الشققية ثم المشاكل العفشية و الخشبية و المالية ...ده حتى الفول و العدس غليوا ها يبقى فية المشاكل الطعمية و الكشرية
و لا يهمكوا أصل الفاضى يعمل قاضى