نقاش حر جدا ومفتوح جدا عن جواز الصالونات....>>>

العنوسه زادت ومش زادت وبس
لا
دي بقت الاساس والباقي اللي بيتجوز بيكون هو الاعجوبه في زمننا ده

*اسئلتي للبنات*

1_ترضي ان عريس ييجي يشوفك ف بيت اهلك وانتي عمرك ما شفتيه؟

2_وهيبقي احساسك ايه وهو هيشوفك لاول مره؟

3_ولو رفضك هتحسي بإيه؟

4_وياتري هتعيدي التجربه دي مره تانيه؟

5-طب فين الحب ولا ده مش شرط فى الاختيار؟

*اسئلتي للولاد*

1_ترضي تروح تتجوز بنت من غير ما تعرفها او لمجرد انها حلوه ومؤدبه واهلها طيبين وتلغي الحب من حياتك؟

2_هيكون احساسك ايه وانت رايح تشوف عروسه لاول مره؟

3_شايف انك ممكن تكون نفسك ف كام سنه او يكون سنك اد ايه علي ما تفكر جديا ف الجواز؟

*****************

طب ولو افترضنا ان العريس وافق علي العروسه والجوازه مشيت
طب الحب هيروح فين؟
ولا خلاص المفروض مفيش بنات تحب ولا ترتبط عشان اكيد البنت مش هتتجوز اللي بتحبه لان اهلها عايزين العريس الجاهز؟

معلش اسئلتي كترت
بس بجد الموضوع ده شاغلني اوى
وحبيت اخد رأيكم

ياريت النقاش يكون جاد جدا علشان كلنا نستفيد من بعض
واللى يحب يشارك يستفيض فى كلامه ويحاول يرد على كل الجوانب فى الموضوع

مستنى الردود

نقاش حر جدا ومفتوح جدا عن جواز الصالونات....>>> 928888

نقاش حر جدا ومفتوح جدا عن جواز الصالونات....>>> 928888

انا النقطة اللى عايز الفت النظر ليها هى موضوع الحب راح فين ....
واحب اسال .. انت ليه نفيت الحب من جواز الصالونات .. رحت البيت شفت البنت وحبتها .. عادى يعنى
طالما انى ماعنديش ميل عاطفى لبنت تانية .. ممكن هى اللى تملى مكان الحب .. وتبقى هى دى البنت اللى انا بحبها ..
انا مجربتش بس اعتقد .. مجرد راى